Дене шынықтыру мұғалімдерін даярлаудың қазіргі үрдісі негізінен репродуктивті және 
авторитарлық сипатта қалып отыр, сондықтан қазіргі білім беру саясаты жариялаған гуманистік 
мақсаттарға қарамастан, студент дамуының жеке және кәсіби аспектілері біртұтас емес, бӛлек 
қалыптасуға бейім. Жарияланған құндылықтар мен нақты тәжірибе арасындағы бұл алшақтық 
мақалада қарастырылатын мәселені құрайды. Мақсат – ынтымақтастық педагогикасы 
парадигмасы аясында болашақ дене шынықтыру мұғалімдерінің жеке және кәсіби әлеуетінің 
жай ғана қосынды емес, интегративті бірігуін қамтамасыз ететін тетіктер жиынтығын 
тұжырымдамалық тұрғыдан негіздеу. Зерттеу теориялық сипатқа ие және ғылыми әдебиеттерді талдау мен жинақтау, салыстырмалы және құрылымдық-функционалдық әдістерге, сондай-ақ 
модельдеуге негізделген. Бес негізгі тетік анықталып, сипатталды: құндылықтық-мағыналық 
резонанс, субъект-субъектілік ынтымақтастық (кооперация), рефлексиялық-диалогтік ӛзара 
әрекеттесу, қозғалыс әрекетін бірлесіп жобалау және білім беру траекториясын дараландыру. 
Мақсатты, мазмұнды, процессуалдық-тетіктік және нәтижелік компоненттерді біріктіретін 
құрылымдық-функционалдық модель ұсынылды. Ынтымақтастық педагогикасы жекелеген 
технология ретінде емес, осы тетіктерді іске қосатын орта ретінде қызмет ететіні кӛрсетілген. 
Нәтижелер теориялық және әдіснамалық маңызға ие, сонымен қатар мұғалімдерді даярлау 
бағдарламаларын жасауға және кейінгі эмпирикалық зерттеулерге негіз бола алады.