Мақалада болашақ педагогтардың денсаулықты сақтау мәдениетінің қалыптасуына әлеуметтік желілер мен ақпараттық құралдардың ықпалы туралы қарастырылады. Жеке адам денсаулығының маңызын көрсете отырып, денсаулық, мәдениет, денсаулықты сақтау мәде-ниеті, оны қалыптастыру ұғымдарына талдау жасалады. Жоғары оқу орындарында болашақ педагогтардың денсаулықты сақтау мәдениетін қалыптастырудың басты мақсаты: студент-жастардың психологиялық, дене-қимыл әрекеттерінің мүмкіндіктері мен жас ерекшеліктерін ескеріп, гигиеналық ұғымды, денсаулықты сақтау уәждемелерін, жеке басының тазалығын жете түсіндіру; олардың мінез-құлқында белгілі гигиеналық тұрақтылықты қалыптастыру, өзіне-өзі қызмет ету, денсаулығын сақтау, нығайту, мәдени-гигиеналық мінез-құлық дағды-ларын қалыптастыру болып табылады. Сонымен қатар, денсаулық сақтау мәдениетінің қалыптасуына ықпал ететін әлеуметтік желілер мен ақпараттық құралдарға шолу жасалып, олардың ықпалы ашып көрсетіледі және денсаулықты сақтау мәдениетінің студент-жастар арасында қалыптасу көрсеткіші анықталып, талдау жасалады. Студент-жастар арасында денсаулықты сақтау мәдениетінің қалыптастыру жолдарына сипаттама беріліп, жан-жақты талданады.