Қазіргі мектептер жаһандану үдерістері мен ұлттық бірегейлікті сақтаудың арасындағы тепе-теңдікті қамтамасыз ету міндетімен бетпе-бет келіп отыр. Жоғары сынып оқушылары әртүрлі мәдени ықпалдарға жиі ұшырайды, бұл олардың ұлттық намыс сезімінің және өз еліне деген тиесілілік сезімінің әлсіреуіне әкелуі мүмкін. 

Бұл зерттеудің мақсаты – жоғары сынып оқушылары арасында ұлттық намысты қалып-тастыруды күшейту үшін мектеп мәдениетін трансформациялау мүмкіндіктерін талдау. Атап айтқанда, зерттеу келесі міндеттерді көздейді: оқушылардың ұлттық намыс сезімінің қалыптасуына әсер ететін мәдени және білім беру факторларын анықтау.

Мектеп мәдениеті, азаматтық білім беру және ұлттық бірегейлік мәселелері бойынша теориялық еңбектерді талдау. Сауалнама және сұхбат: мұғалімдерден, оқушылардан және ата-аналардан ұлттық намыс туралы түсініктеріне қатысты деректер жинау. Кейс-стади: мәдени және патриоттық бағдарламаларды жүзеге асыратын мектептердің тәжірибесін бақылау. Контент-талдау: ұлттық бірегейлікті қалыптастыруға бағытталған оқу бағдарлама-ларын, сыныптан тыс іс-шараларды және мектеп саясатын талдау.

Мектеп мәдениеті оқушылардың ұлттық намысын қалыптастыруға елеулі әсер етеді. Мәдени мұраны, тілді және дәстүрлерді мектептің күнделікті өміріне кіріктіретін бағдар-ламалар азаматтық бірегейлікті нығайтуға ықпал етеді. Инклюзивті және құндылыққа бағдарланған мектеп ортасында білім алатын оқушылар ұлттық рәміздер мен дәстүрлерге деген құрметтің жоғары деңгейін көрсетеді. Бұл үдерісті тұрақты дамытуда мұғалімдердің кәсіби даярлығы мен ата-аналардың белсенді қатысуы маңызды рөл атқарады.